( الدخول | الخروج | الرسائل | لوحة التحكم | التسجيل)

كشف عمرو اديب عن تفاصيل مخزية فى فضيحة بنات الليل ولاعبى المنتخب الوطنى لكرة القدم ، فقد قام بعضهم باصطياد فتيات ليل من جنوب افريقيا وظهرن على شاشة كاميرات المراقبة الخاصة بالفندق ولم يسلم لاعب واحد من الاتهام ، لأن الفتيات كما اظهرت الكاميرات دخلت اغلب الغرف...
شهدت حلقة برنامج القاهرة اليوم الليلة فضائح من نوع جديد ، انتهت بمشاجرة وتبادل شتائم بين عمرو اديب ولاعبى المنتخب وبأن اغلق حسن شحاتة الخط فى وجه عمرو اديب بعد ان شتمه ودافع عن لاعبيه !!
قال عمرو اديب :
لعيبة غير منضبطين ، جابوا 5 فتيات ليل بعد الفوز على ايطاليا وبعد كده ادعوا ان اتسرق منهم 2400 دولار ، ومتحدث فى محطة البوليس فى جنوب افريقيا
اكد ان لديه دليل ان لعيبة المنتخب المصرى كانوا بصحبة عدد من فتيات الليل !!!...وقال : احضروهم من شارع اكسفورد بجنوب افريقيا والبنات دول هم اللى قشطوهم وبعد ذلك اشاروا باصابعهم الملوثة للعاملين بالفندق فقد تخيلوا ان العاملين فى الفندق ما داموا سود فهم حرامية !!

لولا الحضرى !ّ!

اكمل عمرو : سمير زاهر قال ان الامن فى جنوب افريقيا بيدعوا هذه الافتراءات للبعد عن اى اتهامات ممكن يوجهها لهم الاتحاد الدولى ..
لكن لما شفنا المباراة ياولاد ..
واللعيبة مش قادرة تحرك رجليها والعيال شكلها مجهد ، المبارة دى احنا ماعملناش فيها اى حاجة وربنا تدخل لصالحنا ولولا الحضرى لكانت الفضيحة اكبر
انت كنت بتلعب مع ناس طوال وكل كورك عالية زى مايكون محدش فاهم حاجة !!
ليه التشكيل الغريب ده وليه محمد فتحى مش فى مكانه وليه حمص مانزلش وليه بيقرفونا ؟!!
لما نتكلم يقول لك ده المنتخب الوطنى وماينفعش تتكلم عليه كده !!! نسوان ايه وقرف ايه ؟!! وفين فريق الساجدين ؟؟!!
فريق امريكا ده عيال صغيرة عمرهم قد ايه فى الكورة علشان يعملوا فيكم كده !!؟!!

الفريق بيلعب وهو نجس !!

اضاف عمرو بصرحة وجرأة يحسد عليها : الفريق كان بيلعب وهو نجس النهارده !! امريكا كانت احسن مننا فريق محترم مش بينزل يدور على نسوان فى الشارع ..!!
نعمل لكم ايه تانى ؟!!لازم يتحاسب المسئول وحد زى سمير زاهر واتحاد الكورة لازم يقول بجد اسماء اللعيبة اللى خدت ستات فى الغرف !!صحف العالم بتتكلم عن الفضايح بتاعتكم ومحدش فيكم لعب بينالتى واحد ....فكرتونا بمباراة تونس وفضائح تونس !!!
نفس حادثة الستات برضه وانتهت باربعة واحد ..!!

انتوا فريق مش محترم !!

انت فريق مجهد ولياقتك البدنية تعبانة والجزائر برقبتكم ، وانتوا مش احسن لعيبة فى افريقيا ولا كاس القارات انتوا مش لعيبة مركزة وانتوا فريق مش محترم !!
عايز حد يفسر لنا احنا ليه بنعمل فى نفسنا كده ؟!!مشكلتنا هى الحفاظ على المستوى وده مش عندنا ...
لما صحيفتين ينشروا الفضائح دى وبوليس جنوب افريقيا يؤكدها يبقى لازم يكون فيه تحقيق ومش بابالغ لو قلت تحقيق جنائى دى لعيبة رايحة تلعب باسم مصر !!
وبعدين زبالة الستات فى جنوب افريقيا وناس عندها ايدز ومرض ...فكر فى نفسك وفى ربنا ,...فيه حد نجس فى المباراة !!
هم معترفين ان فيه غرف لاعبين اتسرقوا ..ليه ماقالوش اسماءهم ؟!!اعتقد لو عرفنا الاسماء هتشوفوا لعيبة مش بتشكوا فيها وحسن شحاتة ليس مسئولاً وحده ، ورئيس جهاز الرياضة لازم يكون مسئول ..
تخيل لما يكون معاك وزير وتنزل تجيب" حتة "من لوبى الفندق ؟!!!!
ده انت فايز والبلد كلها شايلاك على اكتافها تقوم انت تشيل الستات دول على كتفك...!!

عزاء هانى شاكر !!
اتصل الفنان الكبير هانى شاكر بالبرنامج مقدماً خالص العزاء فى مصر وفى الاخلاق !!وقال : باعزيكم فى المنتخب وفى الاخلاق والقيم والمبادئ ودى ناس مش عارفة قيمة المكانة اللى هى فيها وخاطب عمرو قائلاً : ياريت لو تعرف تقول الاسماء قول ؟!
رد عمرو : انا هابعت اجيب صورة من المحضر من جنوب افريقيا ..
اضاف عمرو : صحيفة قالت ان فتيات الليل علموا اللاعبين ازاى يسجلوا !! ولما خسروا جايين يقولوا ده ماحصلش !! ليه الدناوى دى ؟ ليه القرف ؟ ليه القذارة ؟. ولما ربنا يكرمك المفروض تصلى وتقول يارب ...!!
هنبعت لسفارة جنوب افريقيا ناخد المحضر ونقول كل التفاصيل !!

حسبي الله و نعم الوكيل

ديه فضيحه جامده اوي للمنتخب و صدمه لينا بالتأكيد و دلوقتي جاري التحقيق عشان لسه الكلام ده بيتقال عليه انه مجرد اشاعه لتشويه صوره منتخبنا الوطني و بيتقال عليه ده كلام حصل و حقيقي و يارب مايبقاش الكلام ده حقيقه.

حرام عليكم لو كان صحيح

مشكوووووووووووووووووووووووور على هذه المعلومات

لو كان فى عيب على حد فعيب على الادارة ازاى فين الرقابة على اللعيبة و لو كان دا صحيح يباة دول متصلتين علينا من امريكا

هو بصراحه ده ممكن لأن امريكا بلد كبيره و ممكن و قادره انها تعمل اي حاجه انا كان عندي معلومات تانيه بس مرتضش انزلها عشان ممكن الادراه تمسحها.

نزل و لا يهمك

جماعه خلاص مفيش داعي حد يكتب او انا برده مش هحط الباقي لأنه طلع تشويه للاعبين فقط من جرائد جنوب افريقيا المحليه و انا بصراحه مبسوط لان عمرو اديب اعتزر و قال انا مستعد ابوس راسهم كلهم عشان هو فعلاً اساء ليهم اوي اوي اوي و الحمد لله الحمد لله الحمد لله الحمد لله الحمد لله و يارب يحفظهم من شر الناس.

» حصريا اتصال زيدان بعمرو اديب و تعليقه على حادث بنات الليل الذين سهرهوا مع خمس لاعبين للتحميل و على اكثر من سيرفر بمساحة خيالية
» اعتزار عمرو اديب و ابو تريكة اقتنع اننا فى احتياج له و نفى الاعتزال.......الحمد لله
» مانويل جوزيه مدرب المنتخب

( الدخول | الخروج | الرسائل | لوحة التحكم | التسجيل)

اديب يكشف فضيحة بنات الليل مع لاعبى المنتخب!!